நிக் 10 வயது சிறுவன். அவன் பெற்றோருக்கு ஒரே மகன். நிக்கின் தந்தை மிகவும் பிஸியான தொழிலதிபர் என்பதால் மகனுடன் நேரத்தை செலவிட முடியவில்லை. நிக் தூங்கிய பிறகு அவர் வீட்டிற்கு வருவார், காலையில் நிக் எழுந்திருக்கும் முன் அலுவலகத்திற்கு சென்றுவிடுவார். நிக் தனது தந்தையின் அன்பிற்காக ஏங்கினான். அவன் தனது நண்பர்களைப் போலவே வெளியில் சென்று தனது தந்தையுடன் விளையாட விரும்பினான்.
ஒரு நாள், நிக் தனது தந்தையை மாலையில் வீட்டில் பார்த்து ஆச்சரியப்பட்டான். “அப்பா, உங்களை வீட்டில் பார்ப்பது மிகவும் ஆச்சரியமாக இருக்கிறது.” நிக் கூறினார். ஆமாம் மகனே, எனது சந்திப்பு ரத்து செய்யப்பட்டது. அதனால் நான் வீட்டில் இருக்கிறேன். ஆனால் இரண்டு மணி நேரத்திற்குப் பிறகு நான் விமானத்தைப் பிடிக்க வேண்டும்” என்று அவரது தந்தை பதிலளித்தார். நீங்கள் எப்போது திரும்பி வருவீர்கள்? என்று நிக் தனது தந்தையிடம் கேட்டான். அதற்கு அவர் நாளை மதியம் என்று கூறினார்.
நிக் சிறிது நேரம் ஆழ்ந்த சிந்தனையில் இருந்தான். பிறகு, “அப்பா, ஒரு வருடத்தில் எவ்வளவு சம்பாதிக்கிறீர்கள்?” என்றான். நிக்கின் தந்தை அதிர்ச்சியடைந்தார். அவர், என் செல்ல மகனே, இது ஒரு பெரிய தொகை, அதை உன்னால் புரிந்து கொள்ள முடியாது என்று கூற. நிக் “சரி அப்பா, நீங்கள் சம்பாதிக்கும் தொகையில் மகிழ்ச்சியாக இருக்கிறீர்களா?”. “ஆமாம் என் கண்ணே. நான் மிகவும் மகிழ்ச்சியாக இருக்கிறேன், இன்னும் சில மாதங்களில் எங்கள் புதிய கிளை மற்றும் புதிய வணிகத்தைத் தொடங்க திட்டமிட்டுள்ளேன்.” என்று நிக்கின் தந்தை கூறினார். நான் இன்னும் ஒரு கேள்வி கேட்கலாமா என்று நிக் தந்தையிடம் கேட்டான். ஆம், மகனே கேளு என்றார். “அப்பா, நீங்கள் ஒரு நாளில் எவ்வளவு சம்பாதிக்கிறீர்கள் அல்லது அரை நாளில் எவ்வளவு சம்பாதிக்கிறீர்கள் என்று சொல்ல முடியுமா?” என்றான். “நிக், ஏன் இந்தக் கேள்வியைக் கேட்கிறாய்?” நிக்கின் தந்தை குழப்பமடைந்தார். ஆனால் நிக் விடாப்பிடியாக இருந்தான். தயவுசெய்து எனக்கு பதில் சொல்லுங்கள். ஒரு மணி நேரத்தில் நீங்கள் எவ்வளவு சம்பாதிக்கிறீர்கள் என்று சொல்ல முடியுமா? என்றான். நிக்கின் தந்தை, “ஒரு மணி நேரத்திற்கு சுமார் $25/- இருக்கும்” என்று பதிலளித்தார்.
நிக் மாடியில் உள்ள தனது அறைக்கு ஓடி, கீழே வந்தான் அவனது உண்டியலில் சேமிப்பு இருந்தது. “அப்பா, என் உண்டியலில் $50 இருக்கிறது. எனக்காக இரண்டு மணி நேரம் ஒதுக்க முடியுமா? நான் கடற்கரைக்குச் சென்று நாளை மாலை உங்களுடன் இரவு உணவு சாப்பிட விரும்புகிறேன். இதை உங்கள் அட்டவணையில் குறிக்க முடியுமா?” என கேட்டான். நிக்கின் தந்தை பேசாமல் இருந்தார்!
அறம்: ஒரு பெற்றோர் தனது குழந்தைக்கு கொடுக்கக்கூடிய மிகப்பெரிய பரிசு நேரம். பணத்தால் எல்லாம் வாங்க முடியாது!
0